Дејвид Блат и Макаби по долги преговори успеаја да се договорат за продолжување на соработката. Американскиот стратег, кој дојде во Макаби 2010. година, ќе потпише нов тригодишен договор вреден 2,5 милиони долари.

Блат, кој во претходните денови се спомнуваше како можен наследник на Џонас Казлаускас во ЦСКА, но по склучувањето на договорот со Макаби тој ги негираше шпекулациите.

Емре Белозоглу има договор со Фенербахче кој истекува ова лето. Медиумите во Турција шпекулираат дека новата дестинација на турскиот интернационалец би можела да биде Шпанија.

Емре неодамна истакна дека не се чувствува удобно во сопствената земја и се претпоставува дека за тоа придонесе обвинението за расистички навреди кон Дидие Зокора, играчот на Трабзон.

Поранешниот играч на Њукасл и Интер, според споменатите медиуми, веќе идниот месец би можел да потпише договор со Атлетико Мадрид и да ја продолжи својата кариера на Пиринејскиот полуостров.

Извори блиски на играчот и неговиот агент тврдат дека "јорганџиите" долго време се заинтересирани за услугите на овој играч и дека се очекува набргу договорот помеѓу двете страни да биде официјализиран.

Мајкл Овен нема да добие продолжување на договорот со Манчестер Јунајтед, со што ќе мора да го напушти "Олд Трафорд" ова лето. Оваа вест денес беше потврдена од Овен на својот Twitter профил.

Поранешниот напаѓач на репрезентацијата на Англија пристигна во Јунајтед летото 2009. година, но не успеа да се наметне и да ги повтори добрите игри од времето кога настапуваше за Ливерпул. Овен одигра само четири натпревари оваа сезона, а од ноември нема ниеден настап поради многубројните повреди.

Овен се уште не донел одлука дали ќе замине во "фудбалска пензионирање" или ќе се обиде да најде друг ангажман.

Еден од кандидатите за менаџер на Ливерпул, Брендан Роџерс, ja одби можност да го предводи тимот од Енфилд. Тренерот на Свонси дури и одби да разговара со претставниците на Ливерпул.

- Со задоволство можеме да потврдиме дека Брендан Роџерс одби да преговара со Ливерпул за преселба во нивните редови, се вели во соопштението на Свонси.

Да потсетиме, Ливерпул е во потрага по замена за Кени Далглиш, кој пред некој ден доби отказ, при што во текот на денот беа одбиени и од Пеп Гвардиола.

Стефано Пиоли и следната сезона ќе биде фудбалски тренер на Болоња откако денес потпиша нов договор кој ќе важи до јуни 2014. година.

Иако беше најавено дека по крајот на сезона ќе  ја напушти клупата на италијанскиот прваолигаш, Пиоли ја прифати понудата на клубот да ја продолжи започнатата работа, што пак се должи на многу добрите резултати на крајот од сезоната.

Само ден откако се раздели со Гатузо, Инзаги, Сидорф, Замброта и Ван Бомел, италијанскиот вице-шампион Милан одлучи да го продолжи договорот со еден од играчите на кои им истакува договорот ова лето.

Играчот од средниот ред Масимо Амброзини (35) потпиша нов едногодишен договор со клубот чиј член е од 1995. година, а во последните 15 години само еднаш ги напушти "росонерите" кога беше на едногодишна позајмица во Виченца.

Најстариот професионален фудбалски клуб на светот, Нотс Каунти, оваа година го слави 150. роденден. За таа цел клубот решил да го повика италијанскиот шампион Јувентус на прославата, на кого пак Нотс Каунти му ја "подари" црно-белата боја при основањето на клубот од Торино. Да потсетиме, Англискиот третолигаш беше гостин на отворањето на новиот стадион на Јувентус минатата година.

- Не е тајна дека сакаме да играме против Јувентус, како и против два клуба од Премиер Лигата, но ништо не е конкретно договорено. Тешко е да се направи договор и да се најде идеален датум поради претстојното Европскот првенство и Олимписките игри, соопштија од Нотс Каунти.

Еден од најдобрите италијански одбранбени играчи во последните петнаесетина години, Алесандро Неста, потврди дека на крајот на сезоната ќе го напушти тимот на Милан. Сега веќе 36-годишниот фудбалер истакна дека не сака да биде ничија резера, без оглед на името и големината на клубот.

Според сите информации, Неста ќе ја продолжи својата кариера во тимот на Ред Бул од Њујорк во кој со успех настапуваат ветераните Тиери Анри и Рафаел Маркез.

Италијанските фудбалски прволигаши Аталанта, Сиена и Новара се меѓу 22 клуба против кои е покрената истрага поради сомневање за вмешаност во местење натпревари кога тие биле членови на Серија Б.

Италијанската фудбалска федерација објави дека 33 натпревари во серија Б и серија Ц се сомнителни и дека се води истрага за вкупно 61. лице за кои се смета дека директно се вклучени во местењето. Меѓу нив најзвучни имиња се Кристијано Дони од Аталанта и Луиџи Сартор, поранешен дефанзивец на Интер, Парма и Рома.

Фудбалерот на Фиорентина и швајцарскиот репрезентативец Валон Бехрами, истакна дека изјавата на поранешниот тренер Делио Роси по нападот над Адам Љајиќ е обична лага.

- Ми беше жал за Роси, бидејќи ние соработуваме добро и во Лацио. Сите бевме шокирани од она што се случи, но она што го изјави Роси еден ден подоцна не е точно. Љајиќ ми се заколна дека тој не рекол ништо од она што и беше пренесено на јавноста од Роси, па дури ни луѓето кои беа на клупата не слушнале ништо такво. Затоа ќе беше подобро Роси да молчеше. Срамно е што лажеше, истакна Бехрами.